Bandaríski leikstjórinn Tim Burton og ítalska leikkonan Monica Bellucci hafa ákveðið að fara hvort í sína áttina eftir tæplega tveggja ára samband.

Burton, 67 ára, og Bellucci, 60 ára, greindu frá sambandsslitunum í sameiginlegri yfirlýsingu fyrr í dag.

„Með gagnkvæmri virðingu og umhyggju tilkynna Monica Bellucci og Tim Burton að þau hafi ákveðið að fara hvort í sína áttina,“ segir í yfirlýsingunni.

Parið er sagt hafa byrjað að stinga saman nefjum nokkrum mánuðum eftir að Bellucci afhenti Burton heiðursverðlaun á Lumière-hátíðinni í Frakklandi í október 2022. Leikkonan staðfesti sambandið opinberlega í júní 2023.

Bellucci er tvískilin, en hún var gift söngvaranum Claudio Carlos Basson á árunum 1990 til 1994 og leikaranum Vincent Cassel frá 1999 til 2013. Leikkonan á tvær dætur með Cassel.

Burton átti í tíu ára sambandi við bresku leikkonuna Helenu Bonham Carter og á með henni tvö börn.

Tengdar fréttir

Stjörnur skilja

Ástin virðist blómstra hjá Condor og McCormack

• Chalamet og Jenner sögð hætt saman
• Nýja kærastan sláandi lík Perry
• Fyrrverandi eiginkona Jackman ætlar að rjúfa þögnina
• Tónlistarhjón skilja eftir 22 ára hjónaband

» Fleiri tengdar fréttir

• Blogga um frétt