Meðlimir hinnar goðsagnakenndu poppsveitar Backstreet Boys fengu höfðinglegar móttökur þegar þeir lentu í Kasakstan á fimmtudag. Sveitin, sem enn nýtur gífurlegra vinsælda um allan heim, hélt tvenna tónleika í landinu – í Almaty á föstudag og í höfuðborginni Astana á sunnudag.

Þegar Kevin Richardson, AJ McLean, Brian Littrell, Howie Dorough og Nick Carter stigu út úr flugvélinni beið þeirra óvænt sjónarspil. Fjöldi dansara, klæddir sem flugmenn, flugfreyjur og flugvallastarfsmenn, tók saman fjörugan dans við einn vinsælasta slagara sveitarinnar, Everybody (Backstreet’s Back).

Uppátækið vakti mikla lukku, bæði hjá hljómsveitarmeðlimum og öðrum viðstöddum á vellinum, og hefur myndskeið af atriðinu farið eins og eldur í sinu um netheima.

Fullkominn forsmekkur

Aðdáendur víða að úr heiminum lýstu því yfir á samfélagsmiðlum að flugvallardansinn hefði verið fullkominn forsmekkur að eftirminnilegri helgi.

Allir meðlimir sveitarinnar birtu einnig brot úr dansinum á samfélagsmiðlum sínum, þar sem þeir þökkuðu fyrir hlýjar og eftirminnilegar móttökur í Kasakstan.

Sögulegir tónleikar

Tónleikarnir sjálfir voru ekki síður sögulegir, þar sem þetta var í fyrsta sinn sem Backstreet Boys komu fram í Kasakstan.

Óhætt er að segja að eftirvæntingin hafi verið gríðarleg, enda seldist upp á báða tónleikana á skömmum tíma.

Á efnisskránni voru helstu slagarar sveitarinnar, þar á meðal I Want It That Way, As Long As You Love Me og Everybody, sem allir fengu áhorfendur til að syngja hástöfum með.

Frétt af mbl.is

Þessir skemmtu sér konunglega á Backstreet Boys

Gerðu allt vitlaust í Laugardalshöll

Backstreet Boys héldu eftirminnilega tónleika hér á landi í apríl 2023, þegar sveitin fyllti Laugardalshöllina. Fjöldi gesta lét sig hverfa aftur í nostalgíu síðustu aldarmóta þegar helstu slagarar sveitarinnar ómuðu um höllina.

Tónleikarnir heppnuðust afar vel og var stemningin rafmögnuð frá upphafi til enda.

Tengdar fréttir

Poppkúltúr

Lizzo stal senunni í eggjandi silkikjól

• Will Ferrell slasaðist við tökur
• Eignaðist annað barn á rúmu ári
• Aðdáandi ruddist að Ariana Grande
• Fækkaði fötum fyrir myndatöku

» Fleiri tengdar fréttir

Frægir ferðast

Travolta nýtur lífsins í Skandinavíu

• Bieber beraði bossann á ströndinni
• Fagnaði þrítugsafmælinu á ströndinni
• Birgitta Líf skálaði fyrir nýju aldursári í New York
• Landsliðskona nýtur sín í sólinni

» Fleiri tengdar fréttir

TikTok

Baðst afsökunar eftir að hafa logið til um krabbamein

• Fagnaði fæðingu sonarins með frumlegri sængurgjöf
• Natalía Nótt tók skyndiákvörðun: „Draumar að rætast“
• „Þú sagðir að það væri búningaþema“
• Birgitta Líf: „Vandræðalegt að eiga kærasta“

» Fleiri tengdar fréttir

• Blogga um frétt