Veröld/Fólk | mbl | 6.10.2025 | 15:11

Þriðji sonur Tinu Turner látinn

Ike Turner Jr. og Tina Turner. Samsett mynd/Youtube/ MONICA DAVEY / AFP

Ike Turner Jr., sonur Tinu og Ike Turner, er látinn aðeins 67 ára að aldri. Grammy-verðlaunahafinn og framleiðandinn lést úr nýrnabilun á sjúkrahúsi í Los Angeles á laugardag. Þetta sagði frænka hans, Jacqueline Bullock, í samtali við TMZ.

„Það er með mikilli sorg sem ég tilkynni um andlát frænda míns, Ike Turner Jr., sem var meira miklu heldur bróðir en frændi fyrir mér, þar sem við ólumst upp á sama heimili. Sem sonur Tinu og Ike Turner, sást að frá unga aldri, voru hæfileikar hans miklir enda ekki til hljóðfæri sem hann vildi ekki spila á. Hann hélt mikið upp á trommur, en frænka mín og móðir hans, Tina Turner, krafðist þess að hann skilaði trommusettinu eftir hverja æfingu. Það varð til þess að hann sneri sér að hljómborði.“

Frétt af mbl.is

Aðdáendur Tinu Turner ósáttir með minnisivarða

Bullock sagði einnig að Turner Jr. hafi farið að hjálpa til við rekstur Bolic Sound Studios, upptökuver sem var stofnað af föður hans. Hann varð hljóðverkfræðingur og vann til Grammy-verðlauna fyrir besta hefðbundna blúsalbúmið, Risin' With the Blues, 2007.

Turner Jr. var fæddur 1958 og var sonur Ike Turner og fyrrverandi eiginkonu hans Lorraine Taylor. Hann var síðar ættleiddur af Tinu Turner, ásamt bróður hans Michael.

Tina átti fyrsta son sinn 18 ára gömul, Craig Raymond, sem framdi sjálfsvíg 2018, 59 ára. Hún eignaðist son sinn Ronald „Ronnie“ Renelle í október 1960, með Ike Turner. Ronald lést úr ristilkrabbameini í desember 2022, 62 ára. Ike Sr. árið 2007 og Tina lést 2023. Eftirlifandi er Michael Turner.