Leikkonan Charlize Theron sýndi leikaranum og fyrrverandi samstarfsfélaga hennar, Johnny Depp, lítilsvirðingu á sýningu vor- og sumarlínu Dior 2026 á tískuvikunni í París, sem fram fór í lok september.

Theron gekk að Bernard Arnault, forstjóra LVMH, og Brigitte Macron, forsetafrú Frakklands, og heilsaði þeim. Hún hins vegar sneri sér í burtu þegar Depp, sem stóð við hlið Macron, ætlaði að heilsa henni.

Getgátur eru uppi um af hverju Theron, sem lék á móti Depp í kvikmyndinni The Astronaut's Wife (1999), hafi ekki heilsað honum og að hugsanlega hafi málaferli á hendur honum í tengslum við heimilisofbeldi gegn fyrrverandi eiginkonu hans Amber Heard árið 2018 verið ástæðan.

Heimildarmaður Page Six heldur því aftur á móti fram að erilsamt hafi verið á viðburðinum og þess vegna hafi leikkonan ekki tekið í spaðann á Depp.

Page Six

Tengdar fréttir

Poppkúltúr

Lögreglan kölluð til vegna hávaða á heimili Bezos

• Nýja kærastan sláandi lík Perry
• Verðlaunaleikkona komin í lífslokameðferð
• Krefst milljarða eftir meinta herferð gegn sér
• „Ég gæti farið í Brad eða Angelina“

» Fleiri tengdar fréttir

• Blogga um frétt