Lopez og Affleck glæsileg á rauða dreglinum
Setja bókamerki
/frimg/1/61/9/1610952.jpg)
Fyrrverandi Hollywood-hjónin Jennifer Lopez og Ben Affleck voru glæsileg þegar þau gengu rauða dregilinn á frumsýningu kvikmyndarinnar Kiss of the Spider Woman á mánudagskvöldið í New York.
Lopez fer með aðalhlutverkið í myndinni og er jafnframt einn af framleiðendum hennar, ásamt Affleck.
Þrátt fyrir að Lopez hafi sótt um skilnað frá Affleck í ágúst í fyrra eftir tveggja ára hjónaband virðist ekkert illt á milli þeirra. Þau stilltu sér upp saman fyrir ljósmyndara, töluðu saman og hlógu, og á einum tímapunkti sást Affleck hvísla einhverju að Lopez.
Lopez, sem er 56 ára, klæddist brúnum blómakjól með svörtu yfirlagi sem minnti á kónguló. Hún mætti á viðburðinn ásamt 17 ára tvíburunum sínum, Max og Emme, sem hún á með fyrrverandi eiginmanni sínum, Marc Anthony.
Í viðtali við Entertainment Tonight hrósaði Affleck fyrrverandi eiginkonu sinni og sagði hana „stórkostlega í myndinni“, sem leikstýrð er af Bill Condon. Þetta var jafnframt í fyrsta sinn sem þau birtust opinberlega saman frá því að skilnaður þeirra gekk í gegn í janúar.
Affleck mætti til að mynda ekki á frumsýningu kvikmyndarinnar Unstoppable, sem frumsýnd var á alþjóðlegu kvikmyndahátíðinni í Toronto í september í fyrra, en sú mynd var einmitt framleidd af Affleck og skartaði Lopez í aðalhlutverki.
Lopez og Affleck eiga langa sögu sundur og saman. Þau voru áður trúlofuð og ætluðu að gifta sig í september 2003 en hættu saman í byrjun árs 2004. Þau voru síðan vinir og byrjuðu aftur saman 17 árum síðar.
Sýnir að engin mörk eru virt
Telur meðferðarmál barna eiga heima hjá sér
Myrkur ríkir í miðborg Reykjavíkur
„Hann lýsti því að hann náði ekki andanum“
Kynnir nýja bandaríska hernaðaraðgerð
Gervigreind áskorun fyrir allt menntakerfið
Enn er beðið aðgerða stjórnvalda