Victoria Beckham segir sína hlið á framhjáhaldsskandalnum
Setja bókamerki
Tengdar fréttir
Poppkúltúr
/frimg/1/61/9/1610952.jpg)
Í nýju viðtali við tímaritið Elle talar hönnuðurinn og fyrrum Kryddpían Victoria Beckham opinskátt um hjónaband sitt og knattspyrnugoðsins Davids Beckham.
David og Victoria eignuðust fyrsta barnið, soninn Brooklyn í mars 1999. Fjórum mánuðum síðar giftu þau sig í írskum kastala. Það má segja að 1999 hafi verið ansi viðburðarríkt í lífi þeirra því sama ár náði David þrennu með Manchester United þegar liðið sigraði bresku úrvalsdeildina, enska bikarinn og meistaradeild Evrópu.
Ýmislegt hefur dunið á fjölskyldunni, þótt velgengni hafi verið hvað mest áberandi þegar kemur að Beckham-hjónunum. Samband Brooklyn Beckham og Nicolu Peltz Beckham er sagt hafa valdið ósætti innan fjölskyldunnar svo Brooklyn talar ekki lengur við foreldra sína og var t.a.m ekki viðstaddur fimmtugs afmæli föður síns. Björgólfur Thor Björgólfsson, sem er íslenskur auðmaður, var hinsvegar í afmælisveislunni.
Framhjáldsskandallinn
Victoria segir við Elle: „Auðvitað breytist fólk. Þú ert ekki sama manneskjan um tvítugt og um fimmtugt.“ Þar vísar Victoria í erfitt mál sem lifði lengi vel í heimspressunni.
Stuttu eftir að Beckham-hjónin eignuðust fyrsta barnið lagði stúlknabandið Kryddpíurnar upp laupana og Victoria hóf sólóferil sem náði aldrei neinum hæðum. Þau eignuðust soninn Romeo 1. september 2002, um það leyti sem David var á hátindi ferilsins.
Í september 2003 var David spottaður með konu á næturklúbbi í Madríd, sem reyndist vera aðstoðarkona hans, Rebecca Loos. Slúðurblöðin höfðu ekki undan af að dæma hjónaband Victoriu og Davids dautt.
Það var svo í apríl 2004 sem birtist grein um meint framhjáhald Davids í News of the World. Því var haldið fram að Rebecca og David hefðu átt í frekari samskiptum á Spáni, sem bróðir Rebeccu staðfesti síðar. Victoria gerði sér lítið fyrir og hafði samband við Rebeccu og sagði henni að halda sig fjarri. Á meðan David neitaði ásökunum hélt Rebecca málinu til streitu í fjölmiðlum, hún sagðist þó vonast til að hafa ekki eyðilagt hjónabandið, sem hún gerði vissulega ekki.
Victoria varð ólétt að þriðja barninu þeirra í ágúst 2004 og fæddist Cruz í febrúar 2005, í Madríd. Sex árum síðar fæddist þeim dóttirin Harper Seven.
Það var síðast í mars á þessu ári sem Rebecca var í viðtali við 60 Minutes Australia og talaði þar um skandalinn.
„Ég hef haldið mig við sannleikann, ég hef aldrei ýkt. Ég laug aldrei til um neitt. Af hverju? Vegna þess að ég fer upp á móti sterkasta, valdamesta fólkinu í fjölmiðlum. Og allt sem ég hafði mér við hlið var sannleikurinn.“
Tengdar fréttir
Poppkúltúr
Eldur í gámi Sorpu á Granda
Ítölsk ljós í skólastofur kostuðu tugi milljóna
Gervigreind áskorun fyrir allt menntakerfið
Hagvöxtur dregst saman í nýrri þjóðhagsspá
Telur kröfu í auglýsingu á Starfatorgi umdeilda
„Það er þroski sem fylgir þessari þjáningu“
„Þar erum við að sumu leyti eftirbátar“
Nýta ungmenni og leita uppi fólk í búsetuúrræðum