Noregsprinsessa svarar sögusögnum um „lárviðarhjónaband“
Setja bókamerki
Konunglegu hjónin Marta Lovísa Noregsprinsessa og seiðkarlinn Durek Verrett, sem giftu sig í ágúst í fyrra, hafa tjáð sig um orðróm þess efnis að þau séu í svokölluðu lárviðarhjónabandi (e. lavender marriage), hugtak sem er notað til að lýsa gagnkynhneigðu hjónabandi þar sem verið er að hylma yfir samkynhneigð annars eða beggja.
Þau birtu myndband af sér á Instagram með skírskotun í orðróminn fyrir tveimur dögum. Í myndbandinu spyrja þau sig hvað lárviðarhjónaband sé og birta athugasemdir frá fólki sem hefur sagt þau vera í slíku hjónabandi á meðan þau skipta út klæðnaði og fara í ljósfjólubláar flíkur. Í lok myndbandsins segjast þau einfaldlega ekki vera fyrir hið hefðbundna.
Marta Lovísa, sem er 53 ára, og Durek. 50 ára, koma fram í nýrri heimildamynd á Netflix Rebel Royals: An Unlikely Story þar sem þau deila ástarsögu sinni með áhorfendum.
Durek skilgreinir sig opinberlega sem tvíkynhneigðan og var giftur Zanetu Marzalkovu 2205-2009 og trúlofaður manni að nafni Hank Greenberg 2007-2015. Hann útskýrir í heimildamyndinni að hann hafi upphaflega verið kynntur sem samkynhneigður fyrir dætrum Mörtu Lovísu, Maud, 22 ára, Leuh, 20 ára, og Emmu, 17 ára, sem hún á með fyrrverandi eiginmanni sínum Ara Behn.
Marta Lovísa og Durek kynntust árið 2018 og hefur hún ætíð talað um samband þeirra á jákvæðan og opinskáan hátt.
/frimg/1/60/99/1609948.jpg)
Furðar sig á slæmri umgengni
Guðrún: Erfið ákvörðun
Toppurinn nánast stráheill
Athugun á meðferðarheimilum: „Risastórt verkefni“
Fleiri moskítóflugur finnast
„Nei, við áttum sko alls ekki von á þessu“
Flensutilfellum fer fjölgandi