Jolie á vondar minningar frá heimilinu að Château Miraval
Setja bókamerki
Tengdar fréttir
Poppkúltúr
Leikkonan Angelina Jolie segist hafa hætt að heimsækja Château Miraval – herrasetrið við vínekruna sem var kjarninn í skilnaðardeilu þeirra Brads Pitt árið 2016 – vegna tengsla heimilisins við sársaukafull atvik sem leiddu til skilnaðarins. Þetta kemur fram á E News.
Jolie segir sex börn þeirra Pitts, Maddox, 24 ára, Zahara, 21 árs, Shiloh, 19 ára, og tvíburana Vivienne og Knox, 17 ára, heldur ekki hafa treyst sér til að heimsækja fasteignina síðan Jolie sótti um skilnað 2016.
„Atburðirnir sem leiddu til þess að ég þurfti að skilja við fyrrverandi eiginmann minn voru tilfinningalega erfiðir fyrir mig og börnin,“ skrifaði Jolie í yfirlýsingu til réttarins í Kaliforníu í gær.
„Við skilnaðinn lét ég hann fá umráðarétt (og full eignarhald) yfir fjölskylduheimilum okkar í Los Angeles og Miraval, án þess að fá fyrir það greitt, í þeirri von að það myndi róa hann í samskiptum við mig eftir mjög erfiðan tíma.“
Jolie gerði ofangreindum „atburðum“ ekki frekari skil í bréfinu, hins vegar hefur áður komið fram í dómsskjölum að hún saki leikarann um að hafa ráðist á sig andlega og líkamlega, auk þess á eitt barna þeirra.
Hún heldur því fram að Pitt hafi samþykkt að kaupa hennar hlut í fasteignunum gegn því skilyrði að hún undirritaði þagnarskyldu sem yrði til þess að hún gæti ekki talað um atburðina sem leiddu til skilnaðarins.
Tengdar fréttir
Poppkúltúr
Arion banki sýnir á spilin
Segir að ekki eigi að óttast gervigreind í skólum
Byggir á óskráðum reglum um óbeðinn erindisrekstur
„Hefur axlað fulla ábyrgð“
Samdráttur eftir flutninginn í Álfabakka
Grímur fékk stuttan tíma til umhugsunar
Yfirlýsing Sigríðar: Ákvörðunin alfarið mín