Bandaríska sjónvarpsstöðin CBS hefur sagt upp einum af leikurum þáttaraðarinnar Matlock, David Del Rio, eftir að hann var sakaður um kynferðisbrot gegn mótleikkonu sinni, Leuh Lewis.

Talsmaður CBS staðfesti við Page Six á fimmtudag að Del Rio, 38 ára, væri hættur í þáttunum, án þess að útskýra málið frekar.

Samkvæmt frétt Deadline var uppsögnin tekin í kjölfar innanhússrannsóknar hjá framleiðslufyrirtækinu CBS Studios.

Persóna Del Rio, Billy Martinez, verður umsvifalaust skrifuð út úr þáttunum, þó að ekki sé ljóst í hversu mörgum þáttum hann birtist í annarri þáttaröðinni sem nú er í framleiðsluhléi fram í nóvember.

Var fylgt út af tökustað

Heimildir Deadline herma að meint atvik milli Del Rio og Lewis, sem leikur Söruh Franklin, hafi átt sér stað á lóð Paramount þann 26. september. Del Rio hætti í þáttunum 2. október og var fylgt út af tökustað af framleiðandanum Eric Christian Olsen.

Skömmu eftir að fréttir bárust af uppsögninni birti Lewis færslu í story á Instagram þar sem hún fullvissaði aðdáendur um að hún væri „að halda áfram“ með líf sitt og þakkaði fyrir allan þann stuðning sem henni hefði borist.

Del Rio hefur ekki tjáð sig um ásakanirnar eða uppsögnina, hvorki í fjölmiðlum né á samfélagsmiðlum.

Auk Lewis fara Kathy Bates, Skye P. Marshall og Jason Ritter með hlutverk í þáttunum. Önnur þáttaröð Matlock verður frumsýnd þann 12. október næstkomandi.

Tengdar fréttir

Poppkúltúr

Lögreglan kölluð til vegna hávaða á heimili Bezos

• Nýja kærastan sláandi lík Perry
• Verðlaunaleikkona komin í lífslokameðferð
• Krefst milljarða eftir meinta herferð gegn sér
• „Ég gæti farið í Brad eða Angelina“

» Fleiri tengdar fréttir

• Blogga um frétt