Bandaríski verðlaunaleikarinn John Lithgow var nýverið myndaður á tökusetti væntanlegrar Harry Potter-þáttaraðar í gervi Albus Dumbledore.

Hinn margverðlaunaði leikari var nær óþekkjanlegur sem skólastjóri Hogwarts þegar tökur fóru fram í Englandi 7. október.

Líkt og forverar hans í kvikmyndunum, þeir Richard Harris heitinn og Michael Gambon, skartaði Lithgow síðu, gráu skeggi, hálfmánalaga gleraugum og síðri skikkju sem fullkomnaði galdrakarlsútlitið.

„Þetta mun skilgreina mig á síðasta kafla ævi minnar“

Lithgow hefur mikið rætt um hlutverkið í viðtölum og viðurkenndi að ráðningin hafi komið honum á óvart.

Í samtali við ScreenRant í febrúar sagðist hann hafa verið bæði hissa og hikandi þegar honum bauðst hlutverkið, en spenntur að takast á við það.

„Þetta mun skilgreina mig á síðasta kafla ævi minnar, því miður. En ég er mjög spenntur,“ sagði hann.

Aðspurður um gagnrýnina á að Bandaríkjamaður taki við hlutverki hins enska galdrakarls sagði hann í The One Show á BBC í apríl:

„Ég veit að margir voru hneykslaðir en ég minni á að ég lék Winston Churchill í The Crown – og stóð mig bara vel.“

Þættirnir um Harry Potter verða sýndir á HBO á næsta ári.

Tengdar fréttir

Poppkúltúr

Krefst milljarða eftir meinta herferð gegn sér

• „Ég gæti farið í Brad eða Angelina“
• Matt Bomer í skýjunum með valið
• Birgitta Líf: „Vandræðalegt að eiga kærasta“
• Edrú í tvö ár og 30 kílóum léttari

» Fleiri tengdar fréttir

• Blogga um frétt