Allir eiga sinn afmælisdag þó að misjafnt sé hvort þeim sé tekið fagnandi þegar þá ber að garði. Sumir halda upp á afmælið sitt með pompi og prakt, jafnvel yfir heila viku, á meðan aðrir vilja helst eiga sitt í kyrrþey og geta ekki beðið eftir að dagurinn líði hjá.

Hagstofa Íslands heldur úti opinberum gögnum um fæðingardaga Íslendinga og hér er samantekt byggð á þeim frá 1. janúar 2025 um algengustu afmælisdaga Íslendinga.

Tölurnar lýsa dreifingu skráðra afmælisdaga í opinberum skrám, þær segja sem sé hve margir eiga afmæli á tilteknum degi.

10 algengustu afmælisdagar Íslendinga

• 18. júní – 1.185
• 16. júlí – 1.173
• 27. september – 1.173
• 1. október – 1.169
• 2. október – 1.169
• 29. september – 1.167
• 26. september – 1.163
• 4. október – 1.163
• 27. ágúst – 1.160
• 21. september – 1.160

Haustið stendur upp úr í fjölda fæðingardaga þegar litið er yfir árið. Sjö af tíu fjölmennustu dagsetningunum falla í lok september og byrjun október, sem bendir til að rómantíkin svífi yfir vötnum yfir jólahátíðina ef reiknað er níu mánuði aftur í tímann.

Samt sem áður trónir 18. júní á toppnum og 16. júlí nær í annað sæti. Sumarið heldur því sínu striki þó að september–október ráði för á heildina litið.

Munurinn á efstu sætum er mjög lítill en oft eru aðeins örfáir einstaklingar á milli daga eða jafnvel jafntefli, sem þýðir að sætaröðin getur breyst lítillega milli ára án þess að það breyti heildarmyndinni.

Tengdar fréttir

Jákvæðar fréttir

Íslensk hugmynd heillar í yfir 30 löndum: „Við stefnum hátt“

• „Erum í skýjunum“
• Tíu vinsælustu tvínefni Íslendinga
• „Gjafirnar gera hlutina vissulega miklu betri“
• Vonsvikinn Diegó mætti í vinnuna

» Fleiri tengdar fréttir

• Blogga um frétt