Aniston hefur engan áhuga á að ættleiða
Setja bókamerki
Tengdar fréttir
Poppkúltúr
Bandaríska leikkonan Jennifer Aniston, sem er hvað þekktust fyrir hlutverk sitt sem Rachel Green í gamanþáttaröðinni Friends, hefur opnað sig um áralanga baráttu sína við að eignast börn og segir að hún hafi ákveðið að ættleiða ekki, þar sem það hafi alltaf skipt hana miklu máli að barnið hennar væri með hennar eigið erfðaefni.
Í nýlegu viðtali í hlaðvarpinu Armchair Expert sagði Friends-stjarnan, sem er 56 ára, að eftir mörg ár af glasafrjóvgun og tilraunum til að verða þunguð hafi hún áttað sig á að það myndi ekki gerast.
„Það kemur að þeim punkti þar sem þetta er mér óviðráðanlegt,“ sagði hún. „Þegar fólk segir: „En þú getur ættleitt,“ þá vil ég það ekki. Ég vil mitt eigið erfðaefni í lítilli manneskju.“
Aniston viðurkenndi að sumum gæti fundist þessi afstaða eigingjörn, en sagði að þetta hefði einfaldlega verið hennar sannfæring. Hún bætti við að það að eignast börn hefði „ekki verið í áætluninni“, hver sem sú áætlun hefði verið.
Leikkonan hefur ítrekað gagnrýnt vangaveltur um af hverju hún eigi ekki börn og segir að þær hafi oft verið ósanngjarnar. „Þau þekktu ekki mína sögu eða hvað ég hafði gengið í gegnum,“ sagði hún áður við Harper’s Bazaar UK.
Í viðtali við Allure árið 2022 sagðist Aniston hafa viljað að einhver hefði ráðlagt henni að frysta egg sín fyrr á ævinni. „Lestin er farin, en ég sé eftir engu,“ sagði hún og bætti við að erfiðar tilraunir hennar hefðu gert hana að sterkari manneskju.
Aniston, sem er tvískilin, fann ástina á ný fyrr á árinu í örmum dáleiðarans Jim Curtis, 49 ára. Þau kynntust í gegnum sameiginlegan vin og hafa varið miklum tíma saman að undanförnu, meðal annars á Mallorca á Spáni.
/frimg/1/6/2/1060263.jpg)
Tengdar fréttir
Poppkúltúr
Þrír látnir vegna mikils öldugangs á Tenerife
Gefa út frásögn um leit að geirfuglum
Les útlendingum pistilinn um hringtorg
„Biðum eftir útspilinu frá Seðlabankanum“
Segir að ekki eigi að óttast gervigreind í skólum
„Þú ert drepinn á staðnum“
Aukinn kostnaður við stólaskiptin