Dreymir um að komast á forsíðu Vogue
Setja bókamerki
Hertogaynjan af Sussex, Meghan Markle, sást á tali við nýjan ritstjóra bandaríska Vogue, Chloe Malle, í New York-borg um liðna helgi, þar sem hún var ásamt eiginmanni sínum Harry Bretaprins. Markle og Harry eru búsett í Montecito í Kaliforníu.
Aðdáendur Markle eru vissir um að hún fái forsíðuviðtal í bráð. Orðrómur er á kreiki um að hún sé öll á „hreyfingu“ og leitist m.a. eftir einhvers konar „endurkomu“, en Markle hefur verið mikið á milli tannanna á fólki síðan hún giftist Harry Bretaprins 2018 og oftar en ekki á neikvæðan hátt.
Einnig fór nokkuð vel á með Malle og Markle á tískuvikunni í París. Þar var einnig Anna Wintour á sýningu Balenciaga sem Markle mætti einnig á. Um helgina var umfjöllun á Page Six um að Markle hefði „boðið sjálfri sér á sýninguna“, en samkvæmt hönnuði Balenciaga, Pierpaolo Piccioli, bað hún um að fá að vera viðstödd sýninguna.
Markle á enn eftir forsíðu Vogue en hún var gestaritstjóri bresku útgáfu tímaritsins 2019. Eitthvað komst hún nú nálægt því að landa forsíðu í september 2022 en þáverandi ritstjóri Edward Enningful sagði að ómögulegt hefði verið að mæta kröfum Markle og teymis á hennar vegum.
„Ekkert annað en morðhótun“
Ríkislögreglustjóri birtir gögnin: „Atvikið“ rýrt traust
Enski boltinn fær að fara í gegnum kerfi Símans
Starfsfólkið flýr til annarra sveitarfélaga
„Hann var á leið heim til mín að drepa mig“
Fagnar tillögu um móttökudeildir en vill ganga lengra
Væntingarnar miklar og fallið gæti orðið hátt
Segir starf Intru hafa skilað ótvíræðum árangri