Bandaríski leikarinn Bryton James, sem þekktastur er fyrir hlutverk sín í sápuóperunni The Young and the Restless og gamanþáttaröðinni Family Matters, hefur sótt um skilnað frá eiginkonu sinni Jahairu James eftir aðeins sjö mánaða hjónaband.

Slúðurvefurinn TMZ greindi fyrst frá tíðindunum.

Samkvæmt skjölum sem tímaritið People hefur undir höndum sótti James, 39 ára, formlega um skilnað í Los Angeles á mánudag. Í skjölunum kemur fram að hjónin hafi slitið samvistum í júní, þremur mánuðum eftir brúðkaupsdaginn. Þar segir einnig að ástæða skilnaðarins sé „óásættanlegur ágreiningur“.

Hjónin áttu engin börn saman og fer leikarinn fram á að hvorugt þeirra greiði hinu framfærslu. Hann óskar einnig eftir að Jahaira taki aftur upp sitt fyrra eftirnafn.

James hóf feril sinn sem Richie Crawford í Family Matters og hefur leikið í The Young and the Restless frá árinu 2004. Hann hefur hlotið tvenn Daytime Emmy-verðlaun fyrir leik sinn í þáttunum.

Áður var leikarinn kvæntur Ashley Leisinger frá 2011 til 2014. Hann átti einnig í nokkurra ára sambandi við leikkonuna Brytni Sarpy, sem hann kynntist á tökustað sápuóperunnar.

Tengdar fréttir

Poppkúltúr

Jennifer Lawrence gagnrýnir Kourtney Kardashian

• Snýr aftur á Instagram á nærfötunum
• Gantaðist með að drepa hana og fela í skúr
• Lögreglan kölluð til vegna hávaða á heimili Bezos
• Nýja kærastan sláandi lík Perry

» Fleiri tengdar fréttir

Stjörnur skilja

Nýja kærastan sláandi lík Perry

• Fyrrverandi eiginkona Jackman ætlar að rjúfa þögnina
• Tónlistarhjón skilja eftir 22 ára hjónaband
• Lopez og Affleck glæsileg á rauða dreglinum
• Skilja eftir 28 ára hjónaband

» Fleiri tengdar fréttir

• Blogga um frétt