Myndskeið sem áhrifavaldurinn og einkaþjálfarinn Guðmundur Emil Jóhannsson, betur þekktur sem Gummi Emil, birti nýverið á TikTok-síðu sinni hefur vakið mikla athygli og hlotið harða gagnrýni frá netverjum.

Í myndskeiðinu er Gummi Emil ber að ofan á hestbaki, vopnaður skildi og sverði og með sólgleraugu. Honum virðist ganga illa að stjórna hestinum með taumnum; dýrið er greinilega órólegt og stressað, og endar myndskeiðið með því að hesturinn hendir honum af baki.

Myndbandið virðist tengjast nýju tónlistarmyndbandi Gumma Emils, sem hefur gefið út nokkur lög undir listamannsnafninu GEMIL.

Fjöldi netverja hefur tjáð sig um myndbandið og gagnrýnt framgöngu Gumma Emils harðlega.

„Oj, barasta, þetta er ekki í lagi,“ skrifar einn. Annar segir: „Aldrei koma nálægt hestum aftur, takk fyrir.“ Og þriðji bætir við: „Oj, bara! Þetta er ekki greyið dýrinu boðlegt!“

Nokkrir hafa jafnvel sagt að atvikið jaðri við dýraníð.

Hér má sjá umrætt myndskeið:

Tengdar fréttir

TikTok

Baðst afsökunar eftir að hafa logið til um krabbamein

• Fagnaði fæðingu sonarins með frumlegri sængurgjöf
• Natalía Nótt tók skyndiákvörðun: „Draumar að rætast“
• „Þú sagðir að það væri búningaþema“
• Birgitta Líf: „Vandræðalegt að eiga kærasta“

» Fleiri tengdar fréttir

• Blogga um frétt