Fjölskylda Diane Keaton upplýsir um dánarorsök

Fjölskylda óskarsverðalaunakonunnar Diane Keaton hefur upplýst um dánarorsök leikkonunnar sem lést á laugardaginn, 79 ára að aldri.

Samkvæmt skriflegri yfirlýsingu til bandaríska fjölmiðlafyrirtækisins People lést Keaton úr lungnabólgu.

Frétt af mbl.is

Diane Keaton látin

„Fjölskylda Keaton er innilega þakklát fyrir þann ótrúlega stuðning og kærleika sem hún hefur fengið undanfarna daga vegna ástkærrar Diane, sem lést úr lungnabólgu 11. október,“ segir í yfirlýsingunni.

Keaton, sem var lengi ein skærasta stjarnan í Hollywood, hlaut Óskarsverðlaun árið 1977 sem besta leikkona í aðalhlutverki fyrir leik sinn í kvikmyndinni Annie Hall sem þáverandi kærasti hennar og mótleikari, Woody Allen, leikstýrði. Myndin var að miklu leyti byggð á ævi hennar sjálfrar.

Frétt af mbl.is

Skilur eftir sig auðæfi upp á 12 milljarða króna

Þá hlaut hún einnig Óskarstilnefningar fyrir hlutverk í myndunum Reds, Marvin's room og Something's gotta give.

• Blogga um frétt