Dylan Efron, 33 ára sjónvarpsstjarna og bróðir leikarans Zac Efron, hefur á síðustu mánuðum vakið mikla athygli í Hollywood og sýnt að hann er ekkert síðra sjarmatröll en bróðir sinn.

Hann stóð uppi sem sigurvegari í raunveruleikaþáttunum The Traitors fyrr á árinu og heillar nú áhorfendur með danshæfileikum sínum í Dancing With the Stars.

Dansaði við litlu systur sína

Í síðasta þætti af Dancing With the Stars, sem bar titilinn Dedication Night, þar sem keppendur tileinka dans ein­hverj­um sér kærum, steig hann á dansgólfið með fimm ára hálfsystur sinni, Oliviu.

Saman fluttu þau, ásamt atvinnudansaranum Daniellu Karagach, atriði sem vakti mikla hrifningu og sló í gegn hjá dómurum og aðdáendum þáttanna, en margir hafa hrósað frammistöðunni á samfélagsmiðlum.

Dansinn var tileinkaður Zac Efron og fluttur við lag úr kvikmyndinni The Greatest Showman, þar sem Zac fer með eitt aðalhlutverkanna.

Áhorfendur í sal hrósuðu Dylan í hástert fyrir tilfinningaríka og fallega frammistöðu og netverjar halda ekki vatni yfir hjartnæmum dansi systkinanna ef marka má færslur. 

Tengdar fréttir

Raunveruleikaþættir

Gantaðist með að drepa hana og fela í skúr

• Ný þáttaröð Kardashian kölluð „glæpur gegn sjónvarpi“
• Raunveruleikastjarna glímir við lokastigs lifrarsjúkdóm
• „Einelti leiddi til þess að ég var send heim“
• Lét fjarlægja freknur dóttur sinnar án samþykkis

» Fleiri tengdar fréttir

• Blogga um frétt