Kjóllinn sýndi allt og meira til
Setja bókamerki
Tengdar fréttir
Poppkúltúr
Allra augu beindust að bandarísku fyrirsætunni Ameliu Gray Hamlin þegar hún gekk tískupallinn á glæsilegri tískusýningu undirfatarisans Victoria’s Secret í New York á miðvikudagskvöldið.
Hamlin, sem er dóttir leikarahjónanna Lisu Rinna og Harry Hamlin, klæddist glitrandi, gegnsæjum kjól sem náði rétt niður á læri og var með síðum ermum. Kjóllinn var opinn í bakið og niður yfir rassinn, sem vakti, eins og við mátti búast, mikla athygli meðal áhorfenda.
Fyrirsætan, sem er 24 ára, klæddist eldrauðum þveng undir kjólnum og notaði svokallaðar nipple covers til að hylja geirvörturnar. Þetta var í fyrsta sinn sem Hamlin gekk tískupallinn fyrir Victoria’s Secret og vakti hún mikla athygli fyrir glæsileika og sjálfsöryggi.
Móðir hennar, Lisa Rinna, var að vonum stolt og birti færslu á Instagram þar sem hún skrifaði:
„Klöppum fyrir bakhlið kjólsins! Amelia Gray sló í gegn.“
Tískusýningin var hin glæsilegasta og var engu til sparað. Meðal þeirra sem gengu tískupallinn, klæddar eggjandi undirfötum, voru Bella Hadid, Jasmine Tookes, Candice Swanepoel, Emily Ratajkowski og Gigi Hadid.
Tengdar fréttir
Poppkúltúr
Vissi ekki af samningnum við fyrirtækið
Vagnstjórinn í Stokkhólmi látinn laus
Eldur í gámi Sorpu á Granda
Myrkur ríkir í miðborg Reykjavíkur
Endurnýjaður Reykjalundur yrði minni
Á endanum búið til til að græða pening
/frimg/1/61/13/1611340.jpg)
Vitinn er fallinn