Þekkt fyrirsæta stungin til bana
Setja bókamerki
Ítalska fyrirsætan Pamela Genini, 29 ára, var stungin til bana af fyrrverandi kærasta sínum Gianluca Soncin, 52 ára, á svölum íbúðar í Mílanó síðastliðinn þriðjudag.
Að því er fram kemur í ítölskum fjölmiðlum, þar á meðal Il Fatto Quotidiano, Il Giorno og ANSA, er talið að Soncin hafi stungið Genini 24 sinnum áður en hann reyndi að svipta sig lífi.
Að sögn vitna heyrðust hávær öskur úr íbúðinni og reyndu nágrannar að brjótast inn til að koma henni til aðstoðar áður en lögreglan kom á vettvang. Þegar lögreglumenn brutust inn fannst Genini illa slösuð og lést hún stuttu síðar af sárum sínum.
Ákærður fyrir manndráp
Soncin liggur nú á sjúkrahúsi í Mílanó en er ekki í lífshættu. Hann hefur verið ákærður fyrir manndráp að yfirlögðu ráði.
Samkvæmt saksóknara málsins, Alessiu Menegazzo, bendir rannsókn til þess að hann hafi setið um Genini og að hún hafi áður sætt bæði hótunum og ofbeldi af hans hálfu.
Áttu í „haltu mér, slepptu mér“ sambandi
Genini var vinsæl fyrirsæta í Mílanó og sat fyrir í auglýsingaherferðum fyrir þekkt tískuhús. Hún var einnig meðstofnandi sundfatamerkisins SheLux og rak fasteignasölu sem sérhæfði sig í sölu á lúxuseignum. Hún tók jafnframt þátt í ítalska raunveruleikaþættinum The Island of Adam & Eve.
Genini hafði verið í „haltu mér, slepptu mér“ sambandi með Soncin, efnuðum ítölskum viðskiptamanni, í rúmt ár fyrir morðið.
Grímur fékk stuttan tíma til umhugsunar
Arion banki sýnir á spilin
Taldi flest íslensk ættarnöfn málspjöll
„Um 60.000 litlir kallar sem við pöntum“
Gefa út frásögn um leit að geirfuglum
Meintar moskítóflugur herja á Kópavog