Útlitsbreyting Cooper vekur mikla athygli á netinu
Setja bókamerki
Tengdar fréttir
Poppkúltúr
Bandaríski leikarinn og leikstjórinn Bradley Cooper hefur verið á allra vörum síðustu daga eftir að myndskeið sem E! News birti af honum á rauða dreglinum við heimsfrumsýningu kvikmyndarinnar Is This Thing On? fór á flug á samfélagsmiðlum.
Ástæðan? Gjörbreytt útlit Coopers.
Aðdáendur, áhrifavaldar og lýtalæknar hafa deilt myndskeiðum og velt fyrir sér hvort hinn fimmtugi leikari hafi gengist undir fegrunaraðgerðir. „Ég þekki hann varla,“ skrifaði einn notandi á X, á meðan annar bætti við: „Það er eitthvað öðruvísi við augun hans.“
„Of sléttur í framan“
Bandaríski grínistinn og samfélagsmiðlastjarnan Heather Shaw er meðal þeirra sem tjáðu sig um Cooper og sagði hún að leikarinn væri orðinn aðeins of líkur tónlistarmanninum Barry Manilow.
Í myndskeiðinu, sem hún nefndi Bring Bradley Back, segir Shaw að Cooper sé orðinn „of sléttur í framan“.
Lýtalæknirinn Dr. Jonny Betteridge birti einnig myndskeið þar sem hann fór yfir þær breytingar sem hann segir hafa orðið á andliti leikarans og útskýrði hvaða aðgerðir Cooper gæti hafa gengist undir.
Að hans mati hefur Cooper gengist undir augnaplastík (blepharoplasty) – aðgerð þar sem fita og umframhúð er fjarlægð í kringum augun – auk andlits- og hálslyftingar, bótox-meðferða og húðþéttingar til að draga úr slappleika húðarinnar.
Á sama tíma hafa margir bent á að fleiri stjörnur virðast hafa tekið breytingum upp á síðkastið, eins og Anne Hathaway, Emma Stone og Emily Blunt, og segja margir að þetta sýni bara hve mikill þrýstingur sé á frægu fólki að halda sér unglegu í Hollywood.
/frimg/1/11/5/1110533.jpg)
Tengdar fréttir
Poppkúltúr
Telur meðferðarmál barna eiga heima hjá sér
Telur kröfu í auglýsingu á Starfatorgi umdeilda
„Það hefur enginn talað við mig“
Kynnir nýja bandaríska hernaðaraðgerð
Eldur í gámi Sorpu á Granda
Sprakk í meltingarveginum á leið til Íslands
Ítölsk ljós í skólastofur kostuðu tugi milljóna
„Þar erum við að sumu leyti eftirbátar“