Bandaríska leikkonan Sydney Sweeney skildi lítið eftir fyrir ímyndunaraflið þegar hún gekk græna dregilinn á Variety Power of Women-viðburðinum í Los Angeles á miðvikudagskvöldið.

Sweeney, 28 ára, vakti mikla athygli í silfurlituðum og gegnsæjum gyðjukjól sem var þröngur í mittið og undirstrikaði kvenlegar línur hennar.

Leikkonan, sem er hvað þekktust fyrir hlutverk sitt í sjónvarpsþáttaröðinni Euphoria, kaus að sleppa brjóstahaldara en huldi sitt allra heilagasta með gylltum nærbuxum sem sáust í gegnum efnið.

Sweeney var ein af heiðursgestum hátíðarinnar, þar sem hún var heiðruð fyrir góðgerðastörf sín og stuðning við National Center on Domestic and Sexual Violence. Hún ræddi meðal annars við hátíðargesti um mikilvægi samtakanna og hlutverk þeirra í baráttunni gegn ofbeldi.

Meðal annarra þekktra andlita á viðburðinum voru leikkonurnar Sharon Stone og Jamie Lee Curtis.