Bandaríska leikkonan Diane Ladd er látin, 89 ára að aldri. Hún lést á heimili sínu í Ojai í Kaliforníu á mánudag, að sögn dóttur hennar, leikkonunnar Lauru Dern.

„Mín magnaða hetja og dýrmæta gjöf í lífi mínu, móðir mín, kvaddi í morgun með mig sér við hlið á heimili sínu í Ojai í Kaliforníu,“ sagði dóttir hennar, Óskarsverðlaunahafinn Laura Dern, í yfirlýsingu til The Hollywood Reporter. „Hún var besta dóttir, móðir, amma, leikkona, listamaður og samúðarfull sál sem aðeins draumar gætu skapað. Við vorum lánsöm að hafa hana. Hún flýgur nú með englum sínum.“

Ladd hlaut þrjár Óskarstilnefningar fyrir hlutverk sín í Alice Doesn’t Live Here Anymore (1974), Wild at Heart (1990) og Rambling Rose (1991).

Hún var gift leikaranum Bruce Dern á árunum 1960 til 1969 og áttu þau tvær dætur, Lauru og Diane Elizabeth, sem lést ung í slysi. Síðar giftist Ladd viðskiptamanninum William Shea Jr. en þau skildu árið 1976 eftir sjö ára hjónaband.

Ladd átti langan og farsælan feril í kvikmyndum, sjónvarpi og á sviði og var af mörgum talin ein af fremstu karakterleikkonum Bandaríkjanna.

Tengdar fréttir

Poppkúltúr

Krefst milljarða eftir meinta herferð gegn sér

• „Ég gæti farið í Brad eða Angelina“
• Matt Bomer í skýjunum með valið
• Birgitta Líf: „Vandræðalegt að eiga kærasta“
• Edrú í tvö ár og 30 kílóum léttari

» Fleiri tengdar fréttir

• Blogga um frétt