Fyrrverandi eiginkona Jackman ætlar að rjúfa þögnina
Setja bókamerki
Tengdar fréttir
Poppkúltúr
Ástralska leikkonan Deborra-Lee Furness er sögð leita að forlagi til að gefa út endurminningar sínar, þar sem hún hyggst varpa ljósi á 27 ára hjónaband sitt við ástralska stórleikarann Hugh Jackman og segja frá því sem leiddi til skilnaðar þeirra.
Heimildir Page Six herma að Furness hafi nýlega sést á fundi með þekktum útgefanda í New York, þar sem hún kynnti „djarfa og tilfinningaþrungna bók um ást, sjálfsleit og nýtt upphaf“.
Vinir leikkonunnar segja að hún sé „að endurheimta rödd sína“ eftir skilnaðinn og vilji nú segja sína hlið sögunnar.
Furness, 69 ára, og Jackman, 57 ára, greindu frá skilnaði sínum í september 2023.
Ástæða skilnaðarins er sögð hafa verið framhjáhald, en Jackman er sagður hafa byrjað að hitta mótleikkonu sína, Broadway-stjörnuna Sutton Foster, þegar þau léku saman í söngleiknum The Music Man fyrir nokkrum árum. Talið er að þá hafi farið að hrikta í stoðum hjónabandsins.
Jackman og Foster, 50 ára, opinberuðu ást sína formlega í lok október, þegar þau mættu í fyrsta sinn saman á rauða dregilinn í Los Angeles.
Tilefnið var frumsýning nýjustu kvikmyndar Jackman, Song Sung Blue.
Tengdar fréttir
Poppkúltúr
Samdráttur eftir flutninginn í Álfabakka
„Birkið í Fossvoginum núna er mjög illa farið“
„Biðum eftir útspilinu frá Seðlabankanum“
Kajakræðari hífður um borð í þyrlu
„Hvort kemur á undan eggið eða hænan“
Gefa út frásögn um leit að geirfuglum