Lögregla í Baguio á Filippseyjum bjargaði 120 hundum og handtók sjö manns. Fólkið ku hafa ætlað sér að selja hundana sem jólasteik. Tugir hunda höfðu drepist en bundið hafði verið fyrir trýnið á þeim og þeim komið fyrir í þremur sendibílum þegar lögregla stöðvaði bílana á laugardag.
Slátrun hunda til matar var bönnuð árið 1998 eftir mikinn þrýsting frá dýraverndunarsinnum en engu að síður hefur þessari hefð ekki verið útrýmt alls staðar á Filippseyjum. Víða þykir hundakjöt hið mesta lostæti.