Skildi þrisvar við eiginkonu vegna símanotkunar hennar

Jórdani nokkur hefur skilið við eiginkonu sína í þrígang vegna símanotkunar hennar. Abu Sami, sakar eiginkonu sína um að koma honum á vonarvöl þar sem símareikningar séu þrisvar sinnum hærri heldur en laun hans segja til um. Þau hafa tvívegis áður skilið vegna símanotkunar eiginkonunnar, en fallist á að taka saman aftur í bæði skiptin. Þau geta ekki gifst að nýju nema fyrrverandi eiginkona Sami giftist nýjum manni í millitíðinni, að sögn BBC.

Sami segir að eiginkona sín fyrrverandi hafi eytt mörgum klukkustundum í símanum, rætt við systur sínar og vinkonur um uppskriftir, fatnað og nýjustu tísku. Hann segir að steininn hafi hins vegar tekið úr þegar eiginkonan hafi notað síma fjölskyldunnar til þess hringja milli landa til þess að taka þátt í keppni hjá arabískri gervihnattastöð.

Fjölskylda þeirra gat fengið þau til þess að taka saman á ný, en Sami segir að eiginkonan hafi ætíð fallið í sama farið aftur. Nú séu þau skilin að skiptum.

mbl.is

Stjörnuspá »

Hrútur

Sign icon Það getur tekið í að þurfa stöðugt að sýna einbeitni gagnvart öðrum. Þú vilt skipuleggja alla hluti sem er í góðu lagi ef þú reynir um leið að vera sveigjanlegur þegar það á við.

Stjörnuspá »

Hrútur

Sign icon Það getur tekið í að þurfa stöðugt að sýna einbeitni gagnvart öðrum. Þú vilt skipuleggja alla hluti sem er í góðu lagi ef þú reynir um leið að vera sveigjanlegur þegar það á við.