Hermannamatur ... bætið bara við þvagi

Bandaríkjaher hefur þróað aðferð sem á að tryggja að hermenn á átakasvæðum þurfi aldrei að líða hungur. Í frétt BBC kemur fram að aðferðin byggist á því að hermennirnir hafi meðferðis þurrmat sem sé vættur með skítugu vatni eða hlandi.

Maturinn er í poka sem síar burt 99,9% af gerlum og flestum eiturefnum, að því er kemur fram í tímaritinu New Scientist. Markmiðið er að draga úr vatnsmagninu sem hermenn þurfa að bera með sér.

Fyrirtækið sem stendur að þróuninni segir að hermenn ættu einungis að nota þvag sem neyðarúrræði þar sem pokinn geti ekki síað burtu þvagefni (urea) en neysla á því yfir langt tímabil getur valdið nýrnabilun.

Í pokanum er kjúklingur og hrísgrjón og byggir tæknin á himnuflæði til að sía vatn eða þvag. Vökvinn fer í gegnum himnu, sem er úr þunnum lögum af sellulósa plasti sem er alsett götum sem eru einungis hálfur nanómetri að breidd. Þetta gerir það að verkum að einungis hreint vatn kemst í snertingu við matinn og gerlarnir sitja eftir.

mbl.is

Stjörnuspá »

Hrútur

Sign icon Þú ert mjög hænd/ur að vissri manneskju, en sambandið hefur breyst. Mundu að þú getur ekki vænst þess að aðrir sýni þér örlæti nema þú gerir það sama.

Stjörnuspá »

Hrútur

Sign icon Þú ert mjög hænd/ur að vissri manneskju, en sambandið hefur breyst. Mundu að þú getur ekki vænst þess að aðrir sýni þér örlæti nema þú gerir það sama.