Mikill áhugi á líkamsrækt fyrir nakta

Eigandi líkamsræktarstöðvar í Hollandi segir þúsundir manna hvaðanæva úr heiminum hafa haft samband við sig og beðið um nánari upplýsingar eftir að hann greindi frá þeirri ætlan sinni að halda líkamsræktarnámskeið þar sem allir yrðu naktir í tímum.

Patrick de Man heitir eigandi stöðvarinnar og býr í Heteren. Segist hann hafa fengið fyrirspurnir frá Bretum, Bandaríkjamönnum og Þjóðverjum, auk fjölmargra Hollendinga, eftir að hann auglýsti námskeiðið á Netinu.

De Man segir hugmyndina komna frá tveim nektarsinnum sem eru viðskiptavinir stöðvarinnar hans. Viðbrögðin sýni að margir hafi beðið eftir þessu lengi.

De Man segir ennfremur að hann ætli að gera ráðstafanir til að koma í veg fyrir að öfuguggar fái aðgang að námskeiðinu, og setja upp hlífar til að gluggagægjar geti ekki séð þátttakendur.

Frá þessu greinir Ananova.

mbl.is

Bloggað um fréttina

Stjörnuspá »

Hrútur

Sign icon Rannsóknir þínar leiða margt ánægjulegt í ljós. Haltu þig við það sem þú gerir best, það hefur meiri áhrif en að láta truflast af einhverju sem þú gerir jafn vel og aðrir.

Stjörnuspá »

Hrútur

Sign icon Rannsóknir þínar leiða margt ánægjulegt í ljós. Haltu þig við það sem þú gerir best, það hefur meiri áhrif en að láta truflast af einhverju sem þú gerir jafn vel og aðrir.