Skaut óþæga garðsláttuvél
Setja bókamerki
Karlmaður á sextugsaldri var handtekinn í Wisconsin í Bandaríkjunum í vikunni eftir að hann gerði skotárás á garðsláttuvélina sína. Svo virðist sem manninum hafi gramist, að sláttuvélin fór ekki í gang.
Maðurinn, sem heitir Keith Walendowski og er 56 ára, var ákærður fyrir óspektir og fyrir að vera með afsagaða haglabyssu í fórum sínum. Hann gæti átt yfir höfði sér allt að 6 ára fangelsi og 800 þúsund króna sekt, verði hann fundinn sekur.
Lögregla hafði eftir Walendowski: „Þetta er minn garður og mín sláttuvél og ég get skotið hana ef ég vil."
Auk haglabyssunnar fann lögregla skammbyssu og rafstuðbyssu í húsi mannsins.
Garðsláttuvélin óheppna fannst ásamt öðru rusli utan við húsið þar sem Walendowski býr með móður sinni. Ekki er talið að hægt sé að gera við sláttuvélina.
Banna mengandi búnað sem leyfður er á Íslandi
Árshátíð ríkislögreglustjóra haldin í Tékklandi
„Það þarf að vinna mikinn fjölda upp“
Eyjafjarðarbraut lokað vegna alvarlegs umferðarslyss
„Hvílir mikil leynd yfir þessu öllu“
Gígbarmurinn hækkað frá því í gær
Væri að ljúga ef ég segðist ekki stressaður