Gleymdu barninu í fríhöfninni
Setja bókamerki
Starfsfólk á Ben Gurion flugvellinum í Tel Aviv í Ísrael fann þriggja ára gamla stúlku eina á gangi í fríhöfninni. Í ljós kom, að foreldar stúlkunnar höfðu gleymt henni og fóru án hennar með flugvél til Parísar ásamt fjórum öðrum börnum sínum.
AFP fréttastofan hefur eftir lögreglu, að foreldrarnir hafi ekki gert sér grein fyrir því að litla stúlkan var ekki með þeim, fyrr en flugstjóri vélarinnar sagði þeim frá því. Þá var flugvélin komin á loft.
Stúlkan var send til Parísar með næstu flugvél. Foreldrarnir verða yfirheyrðir þegar þeir koma aftur til Ísraels.
„Það er algengt að fólk gleymi farangri sínum ef það er að flýta sér. En það gleymir ekki börnunum," hefur AFP eftir lögreglumanni.
Fara ekki lengur fram á einangrun yfir Davíð
Verðbólgan komin niður í 6%
Moses Hightower og Prins Póló gefa út eyjalag
Mest spennandi kosningar í áratugi
Bifreið ekið á skrifstofu Útlendingastofnunar
„Skýr skilaboð til Seðlabankans“
Áköf mótmæli í bandarískum háskólum