Bandaríski körfuboltamaðurinn Dennis Rodman söng í dag afmælissönginn fyrir Kim Jong-un, leiðtoga Norður-Kóreu, fyrir framan þúsundir manna í höfuðborginni Pjongjang.
Rodman sagði við þetta tækifæri að Kim, sem var viðstaddur ásamt eiginkonu sinni, væri besti vinur sinn.
Þetta er í fjórða sinn sem Rodman sækir N-Kóreu heim. Að þessu sinni verður leikinn körfubolti í tilefni afmælisins.
Rodman hefur brugðist hart við ummælum mannréttindasamtaka sem gagrýna heimsókn hans til N-Kóreu. Bandarísk yfirvöld hafa sagt að Rodman sé ekki fulltrúi bandarísku þjóðarinnar í þessum heimsóknum hans.
Um 14.000 manns fylgdust með á íþróttaleikvangi í Pjongjang í dag er Rodman tók lagið fyrir leiðtgann.