Nú er tískuvikan í París í fullum gangi þar sem allir helstu tískuhönnuðir sýna Haute Couture-haustlínur sínar.

Giorgio Armani frumsýndi Armani Privé-hátískulínu sína í gær en hann kallar hana Nude. Línan, sem einkennist af ljósum litum og rómantískum sniðum, þykir fáguð með eindæmum. Pallíettur, fjaðrir, perlur og silki er hluti af því sem Armani notaði til að skapa rómantískar flíkurnar sem myndu sóma sér vel á rauða dreglinum.

Fyrirsætum sýningarinnar var greitt á gamla mátann þannig að hárið minnti á þriðja áratug seinustu aldar, heildarútkoman var stórkostleg.

Giorgio Armani á hrós skilið fyrir þessa glæsilegu línu.