Kröfur landeigenda „óraunhæfar“

Suðurnesjalína 2 | 14. maí 2015

Kröfur landeigenda „óraunhæfar“

Samanlagðar kröfur landeigenda fyrir eignarnám vegna Suðurnesjalínu 2 nema rúmlega 38,5 milljörðum króna. Áætlaður framkvæmdakostnaður fyrir línuna alla er 2,7 milljarðar. „Óhætt er að segja að framangreindar kröfur landeigenda séu með öllu óraunhæfar,“ segir lögmaður Landsnets.

Kröfur landeigenda „óraunhæfar“

Suðurnesjalína 2 | 14. maí 2015

mbl.is/Einar Falur

Samanlagðar kröfur landeigenda fyrir eignarnám vegna Suðurnesjalínu 2 nema rúmlega 38,5 milljörðum króna. Áætlaður framkvæmdakostnaður fyrir línuna alla er 2,7 milljarðar. „Óhætt er að segja að framangreindar kröfur landeigenda séu með öllu óraunhæfar,“ segir lögmaður Landsnets.

Samanlagðar kröfur landeigenda fyrir eignarnám vegna Suðurnesjalínu 2 nema rúmlega 38,5 milljörðum króna. Áætlaður framkvæmdakostnaður fyrir línuna alla er 2,7 milljarðar. „Óhætt er að segja að framangreindar kröfur landeigenda séu með öllu óraunhæfar,“ segir lögmaður Landsnets.

Lögmaðurinn segir að dómur Hæstaréttar frá í gær varði ekki ákvarðanir iðnaðarráðherra um eignarnám eins og ráða mætti af fréttum fjölmiðla. Hæstiréttur hafi hins vegar fellt úr gildi fimm úrskurði matsnefndar eignarnámsbóta sem heimiluðu Landsneti hf. umráðatöku afmarkaðs svæðis innan Sveitarfélagsins Voga vegna byggingar og reksturs Suðurnesjalínu 2, án þess að matsnefndin hefði lokið matsferlinu með úrskurði um fjárhæð eignarnámsbóta.

Í yfirlýsingu frá Þórði Bogasyni, lögmanni Landsnets, segir Landsnet hafi óskaði eftir þessari umráðatöku á síðasta ári þegar áætlað var að framkvæmdir gætu hafist. Matsnefnd eignarnámsbóta hefur í sínum störfum alla jafna veitt umráðatöku vegna stórra framkvæmda, s.s. lagningu háspennulína eða vegaframkvæmda, án þess að matsferli sé lokið. 

Héraðsdómur hafi hins vegar hafnað kröfum landeigenda um að undanþáguheimild til umráðatöku yrði felld úr gildi. Í dómi sínum snýr Hæstiréttur þeirri niðurstöðu við og fellir úr gildi heimild til umráðatöku áður en mat á bótum hefur farið fram. „Sú niðurstaða vekur vonbrigði og er í raun ekki í samræmi við venjur í störfum matsnefndarinnar,“ segir í yfirlýsingu Þórðar. „Eigi að síður ber að líta til þess að þetta mun vera í fyrsta sinn sem reynir á túlkun 14. gr. laga um framkvæmd eignarnáms fyrir dómi og því gefur hæstaréttardómurinn mikilvægar vísbendingar til framtíðar um beitingu ákvæðisins af hálfu matsnefndarinnar.“

Þórður segir að dómurinn útiloki hins vegar ekki að af hálfu Landsnet verði óskað að nýju umráðatöku þótt málsmeðferð fyrir matsnefnd eignarnámsbóta sé ekki lokið. Til þess þurfi þó ekki að koma því matsnefnd eignarnámsbóta hefur ákveðið að málflutningur um fjárhæð eignarnámsbóta fari fram 2. júní. Í kjölfar þess verður kveðinn upp úrskurður um bæturnar sem felur í sér heimild að lögum til umráðatöku.

„Hafa landeigendur þeir sem standa í málaferlum gegn Landsneti vegna Suðurnesjalínu 2 skilað sínum greinargerðum og sjónarmiðum til matsnefndar eignarnámsbóta um fjárhæð bóta. Samanlagðar kröfur allra þessara landeigenda nema rúmlega 38,5 milljörðum króna. Til samanburðar má nefna að áætlaður framkvæmdakostnaður er 2,7 milljarðar fyrir línuna alla. Óhætt er að segja að framangreindar kröfur landeigenda séu með öllu óraunhæfar,“ segir í yfirlýsingu Þórðar.

mbl.is