Vladimír Pútín Rússlandsforseti og Donald Trump Bandaríkjaforseti munu ræða vopnaviðskipti og -takmarkanir, ástandið í Íran sem og Sýrlandi, á hliðarfundi við formlega dagskrá á fundi G20 ríkjanna sem fer fram í Japan síðar í vikunni.
Vladimír Pútín Rússlandsforseti og Donald Trump Bandaríkjaforseti munu ræða vopnaviðskipti og -takmarkanir, ástandið í Íran sem og Sýrlandi, á hliðarfundi við formlega dagskrá á fundi G20 ríkjanna sem fer fram í Japan síðar í vikunni.
Vladimír Pútín Rússlandsforseti og Donald Trump Bandaríkjaforseti munu ræða vopnaviðskipti og -takmarkanir, ástandið í Íran sem og Sýrlandi, á hliðarfundi við formlega dagskrá á fundi G20 ríkjanna sem fer fram í Japan síðar í vikunni.
Dagskrá Pútíns verður afar þétt því hann er einnig búinn að bóka fundi með Theresu May, fráfarandi forsætisráðherra Bretlands, Erdogan Tyrklandsforseta og krónprinsinum í Sádi-Arabíu á meðan fundur leiðtoganna stendur yfir.
Fundur Pútíns og Trump mun fara fram í Osaka á föstudag. Búist er við að leiðtogarnir muni ræða New START kjarnorkusamninginn, tvíhliða samning sem var undirritaður 2017, og felur í sér að ríkin áttu að minnka kjarnorkuvopnabúr sín næstu tíu árin, þar til þau standi á jöfnu.
Pútín sagði fyrr í þessum mánuði að rússnesk stjórnvöld væru tilbúin að falla frá samningnum þar sem stjórnvöld í Bandaríkjunum sýndu lítinn sem engan áhuga á að framlengja samninginn.
Þá mun Pútín einnig reyna að koma á fundi með Emmanuel Macron Frakklandsforseta og Angelu Merkel Þýskalandskanslara á meðan fundur G20 ríkjanna fer fram.