Jemen | 21. september 2019
Bandaríkin senda herlið til Sádi-Arabíu
Bandaríkin hyggjast á næstunni senda liðsauka til Sádi-Arabíu í kjölfar árása á tvær stórar olíuvinnslustöðvar í landinu um síðustu helgi. Mark Esper, varnarmálaráðherra Bandaríkjanna, segir liðsaukann sendan að ósk stjórnvalda í Sádi-Arabíu og Sameinuðu arabísku furstadæmunum.
Bandaríkin senda herlið til Sádi-Arabíu
Jemen | 21. september 2019
Setja bókamerki
Bandaríkin hyggjast á næstunni senda liðsauka til Sádi-Arabíu í kjölfar árása á tvær stórar olíuvinnslustöðvar í landinu um síðustu helgi. Mark Esper, varnarmálaráðherra Bandaríkjanna, segir liðsaukann sendan að ósk stjórnvalda í Sádi-Arabíu og Sameinuðu arabísku furstadæmunum.
Bandaríkin hyggjast á næstunni senda liðsauka til Sádi-Arabíu í kjölfar árása á tvær stórar olíuvinnslustöðvar í landinu um síðustu helgi. Mark Esper, varnarmálaráðherra Bandaríkjanna, segir liðsaukann sendan að ósk stjórnvalda í Sádi-Arabíu og Sameinuðu arabísku furstadæmunum.
Um 1.000 bandarískir hermenn eru í Sádi-Arabíu en ekki hefur verið gefið upp hversu margir verða sendir til viðbótar. Joe Dunford, formaður herforingjaráðs Bandaríkjahers, segir liðið ekki vera fjölmennt, hermennirnir skipti hundruðum frekar en þúsundum.
Bandaríkin saka Íran um að bera ábyrgð á árásunum en stjórnvöld í Íran hafa ítrekað hafnað öllum ásökunum um aðild sína og forseti Írans, Hassan Rouhani, segir Jemena á bak við árásirnar og að með þeim vilji árásarmennirnir vara við frekari hernaðaraðgerðum vegna hernaðar Sádi-Araba, með stuðningi Bandaríkjamanna, í Jemen.
Donald Trump Bandaríkjaforseti tilkynnti nýjar refsiaðgerðir gegn Íran í gær en á sama tíma segist hann vilja forðast hernaðarátök. Refsiaðgerðirnar, sem Trump segir þær umfangsmestu hingað til, lúta einkum að Seðlabanka Írans.
