Kay H., kennari í Bandaríkjunum, sagði við sjálfa sig að hún ætlaði aldrei verða þyngri en 200 pund eða 90 kíló. Þegar hún fór yfir það, ákvað hún að 300 pund, 136 kíló, yrði nýja talan en svo fór hún yfir það. 

Þegar hún var tæplega 160 kíló kynntist hún ketómataræðinu. Hún hafði nýlega greinst með sjálfsofnæmissjúkdóm og var með króníska verki sem hún gerði ráð fyrir að finna fyrir allt sitt líf.

Í upphafi gekk erfiðlega hjá henni að halda sig við mataræðið en eftir nokkra mánuði komst hún upp á lagið með það. Fyrir brúðkaupið sitt 2015 var hún komin niður í 131 kíló og ánægð með sjálfa sig. Hún hafði þó ekki náð markmið sínu að komast undir 80 kíló. Hún stundaði líkamsrækt og hlaup og ákvað að skipta yfir á annað mataræði. Þá borðaði hún bara 1.500 hitaeiningar á dag.

Á einu ári eftir brúðkaupið bætti Kay hinsvegar á sig yfir 50 kílóum. Á þeim tíma var hún að klára doktorsgráðuna sína og stressið og veikindin fóru illa með hana. Hún ákvað að snúa blaðinu aftur við og byrjaði aftur á ketó mataræðinu en þá var hún yfir 180 kíló. Í júlí 2018 veikist hún alvarlega og lá inni á spítala lengi. 

Í kjölfar veikindanna missti hún mikinn mátt og gat á tímabili ekki gengið. Þrátt fyrir að geta lítið hreyft sig hélt hún sig við ketó mataræðið og er búin að missa 68 kíló. Í dag fastar hún á morgnana og borðar sína fyrstu máltíð í hádeginu. Hún borðar tvær fitu og próteinríkar máltíðir yfir daginn og eitt millimál.

Það er mikill munur á Kay í dag. skjáskot/Instagram