Kristín Sif Björgvinsdóttir útvarpsstjarna á K100 er endurnærð eftir að hafa dvalið á Snæfellsnesi um síðustu helgi ásamt kærasta sínum, Aaron Kaufman, og börnum sínum tveimur. Hún segir að Ísland sé alger náttúruperla og hún hlakki til að ferðast um landið í sumar.
Kristín Sif Björgvinsdóttir útvarpsstjarna á K100 er endurnærð eftir að hafa dvalið á Snæfellsnesi um síðustu helgi ásamt kærasta sínum, Aaron Kaufman, og börnum sínum tveimur. Hún segir að Ísland sé alger náttúruperla og hún hlakki til að ferðast um landið í sumar.
Kristín Sif Björgvinsdóttir útvarpsstjarna á K100 er endurnærð eftir að hafa dvalið á Snæfellsnesi um síðustu helgi ásamt kærasta sínum, Aaron Kaufman, og börnum sínum tveimur. Hún segir að Ísland sé alger náttúruperla og hún hlakki til að ferðast um landið í sumar.
„Við gistum í notalegum litlu húsi á Miðhrauni en þau bjóða upp á að leigja hús á ævintýralega fallegum stað á æðislega góðu verði,“ segir Kristín Sif í samtali við Ferðavefinn á mbl.is.
Hún segir að Snæfellsnesið sé alger náttúruperla. Hún mælir til dæmis með Vatnshelli sem hún segir að sé vert að skoða.
„Það er mikið dýralíf á Snæfellsnesi og við fórum að skoða strönd þar sem er selanýlenda og gaman að skoða því að þeir eru svo forvitnir og skemmtilegir. Snæfellsjökull gnæfir yfir í allri sinni dýrð og margt að skoða eins og Dritvík, Hellnar, Arnarstapi. Svo smökkuðum við vatn úr Ölkeldu en það er talið hafa lækningarmátt. Skemmtilega skrítið á bragðið en ekki slæmt,“ segir hún.
Hvað borðaðir þú í ferðalaginu?
„Við mættum seint á föstudagskvöldinu og skelltum í pizzu sem við borðuðum á pallinum. Síðan grilluðum við okkur læri á laugardagskvöldinu eftir langan og skemmtilegan dag á ströndinni fyrir neðan Langaholt.“
Hefur þú verið nægilega dugleg að ferðast innanlands?
„Já, ég elska að ferðast innanlands og stefni á að fara hringinn og koma við á Heiði á Langanesi, sem er ættarsetrið mitt, og einnig að ferðast um Vestfirðina í sumar.“
Hvað finnst þér að fólk ætti að gera í sumarfríinu sínu?
„Hvort sem það er að ferðast í kringum höfuðborgarsvæðið eða að leggja land undir fót þá er landið okkar svo fallegt að það er endalaust hægt að skoða og uppgötva nýja áhugaverða staði á landinu okkar. Bara sama hvert við förum og hvað við gerum bara ganga um af virðingu.“
Hvað er það við Ísland sem útlönd hafa ekki?
„Besta vatnið og loftið. Ísland er bara svo ótrúlega einstakt og merkilegt land í mínum augum en mér finnst það líka besta land í heimi.“