Fjölmiðlamaðurinn Sölvi Tryggvason er staddur í París í Frakklandi um þessar mundir. Hann segir að það sé mjög gaman að kynnast borginni þegar það er minna af ferðamönnum en vanalega. 

„Ég þekki París býsna vel, þar sem pabbi minn var í námi hér og systir mín hefur búið í borginni, þannig maður finnur smá mun þegar það er minna af ferðamönnum,“ segir Sölvi í samtali við mbl.is.

Sölvi ferðaðist út með mömmu sinni og segir ferðina hafa verið mjög þægilega. Hann segir að það eina sem er öðruvísi er að sjá alla með grímur. 

„En hér gengur lífið sinn vanagang og hlutirnir að mestu alveg eins og venjulega. Eins og á Íslandi gerir fólk sitt besta til að passa sig almennt og sýna heilbrigða skynsemi,“ segir Sölvi.