Svartar rúllukragapeysur eru hæstmóðins í dag. Kári Stefánsson, for­stjóri Íslenskr­ar erfðagrein­ing­ar, og Katrín hertogaynja af Cambridge klæddust svörtum rúllukragapeysum í vikunni. Bæði eru þekkt fyrir góðan fatastíl. 

Kári mætti í Kastljós Ríkisútvarpsins á miðvikudag í svartri rúllukragapeysu en þetta er ekki í fyrsta sinn sem Kári sést í slíkri flík. Í gær birtist svo Katrín hertogaynja í svörtum rúllukragabol í myndbandi þar sem hún og eiginmaður hennar, Vilhjálmur Bretaprins, lögðu áherslu á að opna umræðu um geðheilbrigðismál. 

Margt framafólk er þekkt fyrir að klæðast svörtum peysum og bolum með rúllukraga. Steve Jobs stofnandi Apple var til að mynda þekktur fyrir að klæðast alltaf svörtum rúllukragabol. Ekki er vitað hvort Kári eða Katrín sæki innblástur sinn til hans. 

Hér sést Kári Stefánsson í svörtum rúllukragabol. Á myndinni með honum er Hákon Jónsson. mbl.is/Eggert Jóhannesson

Frétt af mbl.is

Steldu stíl Kára Stefánssonar

Steve Jobs var alltaf í svörtum rúllukragabol. AFP