Samtaka í klósettferðum

Eurovision | 23. maí 2021

Samtaka í klósettferðum

Klósettferðir landsmanna á þjónustusvæði Veitna voru nokkuð samræmdar í gærkvöldi meðan á Eurovision stóð ef marka má samantekt Veitna. 

Samtaka í klósettferðum

Eurovision | 23. maí 2021

Klósettferðir fólks á þjónustusvæði Veitna voru samrýmdar í gær.
Klósettferðir fólks á þjónustusvæði Veitna voru samrýmdar í gær. mbl.is

Klósettferðir landsmanna á þjónustusvæði Veitna voru nokkuð samræmdar í gærkvöldi meðan á Eurovision stóð ef marka má samantekt Veitna. 

Klósettferðir landsmanna á þjónustusvæði Veitna voru nokkuð samræmdar í gærkvöldi meðan á Eurovision stóð ef marka má samantekt Veitna. 

Það má glöggt sjá á tölum yfir rennsli á köldu vatni í vatnsveitu Veitna á meðan á útsendingu keppninnar stóð en notkunin minnkaði umtalsvert á meðan íslenska lagið var í loftinu. Stórir viðburðir sem þessi gefa áhugaverðar upplýsingar um sameiginlegt hegðunarmynstur borgarbúa og væntanlega landsmanna allra,“ segir í tilkynningu frá Veitum. 

Leiða megi líkum að því að sveiflurnar í notkun vatns í gærkvöldi hafi helgast af því að fólk hafi létt á sér og sturtað niður fyrir og eftir atriði Daða og Gagnamagnsins, en ekki á meðan. 

Svo virðist sem nokkur fjöldi hafi séð ástæðu til að skreppa á klóið áður en myndbandið með framlagi Íslands, 10 Years, var sýnt og hið sama var upp á teningnum þegar laginu lauk. Á milli þessara tveggja toppa minnkar notkun á köldu vatni umtalsvert enda sátu margir límdir við skjáinn til að fylgjast með flutningnum,“ segir í tilkynningunni. 

Sjá má yfirlit yfir vatnsnotkunina hér:

Notkun vatns féll á meðan atriði Daða var flutt í …
Notkun vatns féll á meðan atriði Daða var flutt í gær. Mynd/Veitur
mbl.is