Íslensk kona hefur ratað í fjölmiðla í Ísrael fyrir ummæli sem hún viðhafði við ísraelskan ferðamann vegna Airbnb-bókunar.

Konan samþykkti bókunarósk mannsins en sendi honum eftirfarandi skilaboð: „Nú hefur mikið verið fjallað um Ísrael í fjölmiðlum og grimmd þeirra gagnvart börnum. Hvað segir þú um þetta? Heldur þú að allar dyr Íslands standi þér opnar?“

Bókandinn sendi í kjölfarið kvörtun vegna mismununar á Airbnb, sem áminnti konuna.

Frétt af mbl.is

Beint flug frá Ísrael til Íslands

Krefst þess að gestgjafinn og eignin verði fjarlægð

Ferðamaðurinn hefur síðan þá afbókað eignina og vakið athygli á málinu á samfélagsmiðlum. Honum þykir svar Airbnb óásættanlegt og krefst þess að leigjandinn og eignin verði fjarlægð af vef Airbnb.

Dagblaðið Jerusalem Post fjallað um málið þar sem íslenska konan er sögð hafa sparkað ferðamanninum út vegna tengsla hans við Ísrael. Þetta er sagt hluti af fjölgun árása á ísraelska ríkisborgara víðs vegar um heim. 

Frétt af mbl.is

Ísrael verði að upplifa að það tapi á hernámi