Hertogahjónin af Cambridge, Katrín og Vilhjálmur, eru í opinberri heimsókn í Skotlandi. Á mánudaginn klæddist Katrín bláum fötum sem eru eiginlega nákvæmlega eins og föt sem Díana prinsessa klæddist árið 1992. 

Föt Katrínar voru reyndar ekki 30 ára gömul en hún var í bláum jakka með gylltum tölum frá Zöru og bláu plíseruðu pilsi frá Hope.

Blái jakkinn úr Zöru minnti óneitanlega á jakka Díönu prinsessu. AFP

Á vef Hello er bent á líkindi klæðnaðarins og fatanna sem Díana klæddist. Blái liturinn er sá sami. Pils Katrínar var í sömu sídd og pils Díönu var. Eina sem var öðruvísi er að jakki Katrínar var styttri en Díönu. 

Svo lík eru fötin að varla getur verið um tilviljun að ræða.