Eftir langa þurrkatíð á rauða dreglinum skörtuðu stjörnurnar sínu fínasta pússi á opnunarkvöldi kvikmyndahátíðarinnar í Cannes á þriðjudaginn. Fyrirsætan Bella Hadid var meðal þeirra best klæddu en tvær konur mættu í páskagulum kjólum. Hátíðin fór ekki fram í fyrra vegna kórónuveirufaraldursins. 

Hvíti kjóllinn sem Hadid klæddist var klassískur og kvenlegur. Svart slörið gerði hann dramatískan og gerði það að verkum að vera fyrirsætunnar fór ekki fram hjá neinum. Kjóllinn er gömul hönnun frá Jean Paul Gaultier. Svarta efninu mun hins vegar hafa verið bætt við eftir á fyrir kvöldið.

Svart slörið gerði hvíta klassíska kjólinn sem Bella Hadid var í dramatískan. AFP

Þegar Helen Mirren valdi kjól fyrir kvöldið var markmiðið ekki að falla inn í fjöldann. Hún var klædd í gulan síðerma kjól frá Dolce & Gabbana.

Helen Mirren. AFP

Mirren var þó ekki eina stjarnan sem ákvað að mæta í gulu. Áhrifavaldurinn Farhana Bodi var líka í gulu en hennar kjóll var öllu fyrirferðarmeiri en kjóll Mirren. 

Áhrifavaldurinn Farhana Bodi var í stórum og miklum gulum kjól. AFP

Hér fyrir neðan má sjá þær stjörnur sem einnig voru áberandi á rauða dreglinum. 

Bandaríska leikkonan Andie MacDowell. AFP

Bandaríska leikkonan Jessica Chastain. AFP

Franska leikkonan Lou Dillon. AFP

Franski leikstjórinn Leos Carax og franska leikkonan Marion Cotillard. AFP

Bandaríski leikstjórinn Spike Lee. AFP

Bandaríska leikkonan og leikstjórinn Jodie Foster. AFP

Bandaríska leikkonan Maggie Gyllenhaal. AFP

AFP

Suðurafríska fyrirsætan Candice Swanepoel. AFP