Undanfarna tvo daga hafa greinst tvö kórónuveirusmit hjá starfsmönnum og eitt hjá sjúklingi sem liggur inni á blóð- og krabbameinslækningadeild 11EG.
Undanfarna tvo daga hafa greinst tvö kórónuveirusmit hjá starfsmönnum og eitt hjá sjúklingi sem liggur inni á blóð- og krabbameinslækningadeild 11EG.
Undanfarna tvo daga hafa greinst tvö kórónuveirusmit hjá starfsmönnum og eitt hjá sjúklingi sem liggur inni á blóð- og krabbameinslækningadeild 11EG.
Ítarleg rakning hefur farið fram, og skimun, og fólki verið skipað í sóttkví A eða vinnusóttkví eftir atvikum, að því er segir á vef Landspítalans.
Sjúklingurinn greindist við skimun í gær. Hann var fluttur á smitsjúkdómadeild í einangrun og tveir samsjúklingar eru í sóttkví.
„Ekki er hægt að fullyrða neitt um tengingar þessara smita að svo stöddu en mögulega er um þrjá aðskilda atburði að ræða,“ segir í tilkynningunni.
Klukkan 12 í dag var staðan á spítalanum þannig að tíu liggja inni með Covid-19, átta á legudeildum og tveir á gjörgæslu.
Síðastliðinn sólarhring útskrifaðist einn og þrír lögðust inn (einn greindist óvænt á deild).
965 eru í eftirliti á Covid-göngudeild, þar af 112 börn. Þrír eru á rauðu en 15 einstaklingar flokkast gulir. 21 starfsmaður er í einangrun, 35 í sóttkví A og í vinnusóttkví eru 92 starfsmenn.