Hvítrússneska ólympíuíþróttakonan Krystsina Tsimanouskaya sagðist vera glöð með að vera komin í öruggt umhverfi, daginn eftir að hún lenti í Póllandi þar sem hún hefur fengið landvistarleyfi. 

Frétt af mbl.is

Timanovskaya lent í Póllandi

Diplómatísk átök og dramatísk örlög hafa umlukt íþróttakonuna ungu sem óttaðist um örlög sín, öryggi og velferð eftir að hafa opinberlega gagnrýnt þjálfarateymi sitt. Leitaði hún á náðir starfsfólks og nefndarmanna alþjóðaólympíunefndarinnar þegar hún sagði sig hafa verið neydda heim af Ólympíuleikunum í Tókýó á sunnudaginn. 

Frétt af mbl.is

Timanovskaya flogin til Vínar

Tjáði hún ánægju sína við blaðamenn í Varsjá í Póllandi þar sem hún lenti í gær eftir langt ferðalag frá Tókýó í Japan með millilendingu í Vín í Austurríki.

Sagði hún það hafa komið sér í opna skjöldu hversu stór pólitískur skandall hefði orðið úr máli hennar, sem upphaflega snerist um íþróttir og stjórnun.

Frétt af mbl.is

Formleg rannsókn á máli Timanovskayu hafin

„Ég vil bara fá að halda áfram að leggja stund á mína íþrótt,“ sagði Tsimanouskaya og bætti við að maðurinn hennar, Arseny Zdanevich, væri nú þegar á leiðinni Póllands og myndi koma þangað í dag. 

Hann hefur sömuleiðis fengið landvistarleyfi í Póllandi á grundvelli mannréttinda en hann er þegar flúinn frá Hvíta-Rússlandi til Úkraínu.