Húðskammaður fyrir að slökkva á pósti konu sinnar

Mistök ferðamanna | 27. september 2021

Húðskammaður fyrir að slökkva á pósti konu sinnar

Umhyggjusamur eiginmaður ætlaði ekki að láta vinnupóst eiginkonu sinnar eyðileggja ferðalagið þeirra. Hann slökkti á tölvupóststilkynningum í síma hennar án þess að láta hana vita. Hann fékk skammir yfir sig á samfélagsmiðlinum Reddit þegar hann sagði frá uppátæki sínu. 

Húðskammaður fyrir að slökkva á pósti konu sinnar

Mistök ferðamanna | 27. september 2021

Maðurinn ákvað að taka málin í sínar hendur og slökkva …
Maðurinn ákvað að taka málin í sínar hendur og slökkva á tilkynningum í síma konu sinnar á meðan þau voru á ferðalagi. Ljósmynd / Getty Images

Umhyggjusamur eiginmaður ætlaði ekki að láta vinnupóst eiginkonu sinnar eyðileggja ferðalagið þeirra. Hann slökkti á tölvupóststilkynningum í síma hennar án þess að láta hana vita. Hann fékk skammir yfir sig á samfélagsmiðlinum Reddit þegar hann sagði frá uppátæki sínu. 

Umhyggjusamur eiginmaður ætlaði ekki að láta vinnupóst eiginkonu sinnar eyðileggja ferðalagið þeirra. Hann slökkti á tölvupóststilkynningum í síma hennar án þess að láta hana vita. Hann fékk skammir yfir sig á samfélagsmiðlinum Reddit þegar hann sagði frá uppátæki sínu. 

Eiginmaðurinn var meðal annars sakaður um að bera ekki virðingu fyrir eiginkonu sinni og var athæfið sagt niðrandi að því er fram kemur á vef Daily Mail

Maðurinn sagði að konan hans fengi ekki nógu mikið borgað til að vera stöðugt að kíkja á tölvupóstinn sinn. Hann slökkti því á tilkynningum sem komu frá pósthólfinu hennar og gerði ráð fyrir að hún gæti lesið póstinn þegar hún kæmi aftur úr ferðalaginu. „Ég átta mig á að hún vill ekki mæta óundirbúin í næstu viku. En hún hún hefur nægan tíma til þess að lesa tölvupóstinn í flugvélinni á leiðinni heim,“ skrifaði maðurinn og endaði á að spyrja hvort það hefði verið rangt af sér að taka símann og slökkva á tilkynningunum án þess að láta hana vita. 

„Já,“ skrifuðu flestir sem svöruðu á þræðinum. Margir bentu manninum á að hann hefði átt að tala við konuna sína áður en hann ákvað að fara á bak við hana. 

Er síminn að eyðileggja fríið?
Er síminn að eyðileggja fríið? AFP
mbl.is