Kynferðisbrot innan KSÍ | 1. október 2021
Ekki ósátt við fjarveru Arons Einars
„Ég er ekki ósátt við þá ákvörðun að Aron Einar sé ekki í hópnum,“ sagði Tanja M. Ísfjörð Magnúsdóttir, einn af forsvaramönnum aðgerðahópsins Öfga, í samtali við mbl.is.
Ekki ósátt við fjarveru Arons Einars
Kynferðisbrot innan KSÍ | 1. október 2021
Setja bókamerki
„Ég er ekki ósátt við þá ákvörðun að Aron Einar sé ekki í hópnum,“ sagði Tanja M. Ísfjörð Magnúsdóttir, einn af forsvaramönnum aðgerðahópsins Öfga, í samtali við mbl.is.
„Ég er ekki ósátt við þá ákvörðun að Aron Einar sé ekki í hópnum,“ sagði Tanja M. Ísfjörð Magnúsdóttir, einn af forsvaramönnum aðgerðahópsins Öfga, í samtali við mbl.is.
Það vakti mikla athygli í gær þegar Aron Einar Gunnarsson, fyrirliði íslenska karlalandsliðsins undanfarinn áratug, var ekki valinn í íslenska landsliðshópinn fyrir leikina gegn Armeníu og Liechtenstein í undankeppni HM.
Stjórn KSÍ barst tölvupóstur frá aðgerðahópnum 27. september og var málið tekið fyrir á stjórnarfundi í Laugardalnum í gær.
Tölvupósturinn var flokkaður sem trúnaðarmál á fundinum en Tanja vildi ekki tjá sig um málefni tölvupóstsins í samtali við mbl.is.
„Það eina sem ég get sagt er að ég er mjög ánægð að við séum komin á þann stað að samfélagið sé farið að trúa þolendum,“ sagði Tanja.
„Vonandi heldur þessi þróun áfram og áfram Ísland,“ bætti hún við í samtali við mbl.is.
Aron Einar sendi sjálfur frá sér harðorða yfirlýsingu í gær þar sem hann gagnrýndi KSÍ harðlega og sagðist aldrei hafa gerst brotlegur gagnvart neinum eða neinni.
/frimg/1/30/7/1300734.jpg)
/frimg/1/33/68/1336833.jpg)
