Sjá ekki kviku að brjóta sér leið á yfirborðið

Eldvirkni á Reykjanesskaga | 6. október 2021

Sjá ekki kviku að brjóta sér leið á yfirborðið

Gervitungl á vegum Geimvísindastofnunar Evrópu sýna engin merki um að kvika sé að brjóta sér leið til yfirborðs á svæðinu við Keili. Þetta kemur fram í tilkynningu á Facebook-síðu Veðurstofu Íslands. 

Sjá ekki kviku að brjóta sér leið á yfirborðið

Eldvirkni á Reykjanesskaga | 6. október 2021

Jarðskjálfta­hrina hófst á Reykja­nesskaga þann 27. sept­em­ber. Upp­tök skjálft­anna eru …
Jarðskjálfta­hrina hófst á Reykja­nesskaga þann 27. sept­em­ber. Upp­tök skjálft­anna eru skammt frá Keili. mbl.is/Eggert Jóhannesson

Gervitungl á vegum Geimvísindastofnunar Evrópu sýna engin merki um að kvika sé að brjóta sér leið til yfirborðs á svæðinu við Keili. Þetta kemur fram í tilkynningu á Facebook-síðu Veðurstofu Íslands. 

Gervitungl á vegum Geimvísindastofnunar Evrópu sýna engin merki um að kvika sé að brjóta sér leið til yfirborðs á svæðinu við Keili. Þetta kemur fram í tilkynningu á Facebook-síðu Veðurstofu Íslands. 

Veðurstofan segir ekkert á mynd gervitunglsins benda til þess að breytingar hafi orðið á jarðskorpunni á skjálftasvæðinu frá 23. september og til 5. október. Þó sé ekki hægt að útiloka að að kvika sé á hreyfingu á svo miklu dýpi að það sé illgreinanlegt úr gervihnattamyndum. 

„Við höfum verið að keyra líkön út frá nýjustu jarðskjálfta- og landmælingagögnum og líkönin gefa til kynna að ef kvika er að safnast fyrir, þá er hún ekki í miklu magni og á talsverðu dýpi, eða meira dýpi en sást í aðdraganda gossins í mars,“ er haft eftir Michelle Parks sem unnið hefur að greiningu gagnanna ásamt Vincent Drouin á Veðurstofu Íslands. 

„Ef kvika er að byggjast upp á meira en 5km dýpi, en skjálftavirknin í hrinunni er að megninu til á meira dýpi en það, þá sæist það ekki á gervitunglamyndum fyrr en talsvert meira magn hefur safnast fyrir. Því er nauðsynlegt að halda áfram að fylgjast náið með þróun virkninnar við Keili.“

mbl.is