Ekki farið út fyrir valdmörk með sóttkví

Kórónuveiran COVID-19 | 8. október 2021

Ekki farið út fyrir valdmörk með sóttkví

Landsréttur hefur staðfest úrskurð héraðsdóms þar sem ekki var fallist á að stjórnvöld hefðu farið út fyrir valdmörk sín með því að vista einstakling í sóttkví, sem var til varnar í málinu.

Ekki farið út fyrir valdmörk með sóttkví

Kórónuveiran COVID-19 | 8. október 2021

Farsóttarhús í Borgartúni.
Farsóttarhús í Borgartúni. mbl.is/Árni Sæberg

Landsréttur hefur staðfest úrskurð héraðsdóms þar sem ekki var fallist á að stjórnvöld hefðu farið út fyrir valdmörk sín með því að vista einstakling í sóttkví, sem var til varnar í málinu.

Landsréttur hefur staðfest úrskurð héraðsdóms þar sem ekki var fallist á að stjórnvöld hefðu farið út fyrir valdmörk sín með því að vista einstakling í sóttkví, sem var til varnar í málinu.

Fór sóttvarnalæknir fram á að einstaklingurinn, sem ekki hafði verið bólusettur gegn Covid-19, skyldi sæta fimm daga sóttkví frá 2. október og þar til niðurstaða úr seinni PCR-sýnatöku lægi fyrir, sem honum væri skylt að undirgangast og framkvæma skyldi 7. október, eða í gær.

Vildi varnaraðili þá meðal annars meina að ákvörðun sóknaraðila, sóttvarnalæknis, að ákvæði reglugerðarinnar mismuni óbólusettum einstaklingum með ómálefnalegum og ólögmætum hætti.

Reglugerðin sæki lagastoð til sóttvarnalaga

Komust dómstólar að því að reglugerðin hefði lagastoð í sóttvarnalögum og að hún væri reist á tillögu sóttvarnalæknis til ráðherra um nauðsynlegar takmarkanir vegna sóttvarna.

Þegar litið sé til þeirra skyldna sem hvíla á löggjafarvaldinu og stjórnvöldum til að vernda líf og heilsu landsmanna þegar farsóttir geisa verði að játa þeim nokkurt svigrúm við mat á því hvað teljist nauðsynlegar aðgerðir á hverjum tíma.

Því væru ekki efni til að líta svo á, að ákvæði reglugerðar um sóttkví, einangrun og sóttvarnarráðstafanir á landamærum Íslands vegna Covid-19 og ákvarðanir um aðgerðir á landamærum féllu utan þess svigrúms sem stjórnvöldum væri játað við mat á nauðsyn aðgerða hverju sinni.

mbl.is