Mesti fjöldi kórónuveirusmita greindist síðastliðinn sólarhring í Nýja-Sjálandi frá byrjun faraldurs. Útgöngubann hefur verið í gildi í landinu með einum eða öðrum hætti svo mánuðum skiptir. 

Lengi var stefna yfirvalda í Nýja-Sjálandi svokölluð smitleysisstefna eða „Covid-Zero-stefna“ þar sem harðar takmarkanir voru lýði í þeim tilgagni að koma í veg fyrir öll kórónuveirusmit. Frá því að Delta-afbrigði veirunnar braut sér leið inn í Nýja-Sjáland hefur ekki tekist að halda landinu „Covid-hreinu“.

Frétt af mbl.is

Framlínustarfsfólki án bólusetningar sagt upp

Heilbrigðisyfirvöld tilkynntu um 94 ný kórónuveirutilfelli en fyrra daglega metið stóð í 89 smitum frá því í apríl í fyrra í fyrstu bylgju Covid-19-sýkinga.

Ný stefna kynnt í vikunni

Þó að fjöldi smita í Nýja-Sjálandi sé lágur í alþjóðlegum samanburði, hefur þeim fjölgað jafnt og þétt síðan Delta-afbrigðið greindist fyrst þarlendis um miðjan ágúst.

Frétt af mbl.is

Verst gagnrýni á smitleysisstefnu

Frétt af mbl.is

Covid-ráðherra Nýja-Sjálands farinn að efast

Útbreiðsla smitanna, sem greinast að mestu í og í kringum borgina Auckland, hefur neytt Jacindu Ardern, forsætisráðherra Nýja-Sjálands, til að falla frá stefnu sinni um að útrýma veirunni í landinu.

Frétt af mbl.is

Útgöngubann á Nýja-Sjálandi framlengt

Mið-vinstrisinnaði forsætisráðherrann mun kynna nýja stefnu á föstudag sem mun gera ráð fyrir auknu frelsi þegar markmiðum bólusetninga hefur verið náð.

Um það bil tveir þriðjuhlutar íbúa landsins sem hafa náð tilsettum aldri hafa nú verið bólusettir að fullu við Covid-19.