Áhrifavaldurinn og samkvæmisdansarinn, Ástrós Traustadóttir, fór út að borða með öðrum áhrifavöldum á dögunum til þess að fagna afmæli sínu. Ástrós var með eftirtektaverða hanska en svipaða hanska hefur Inga Sæland sést með oftar en einu sinni. 

Ástrós var í svörtum gellubuxum og stuttum langerma jakka. Nælonhanskarnir hennar smellpössuðu við fötin. Hanskar Ingu eru hins vegar úr blúndu en Inga var með þá þegar leiðtogar stjórnmálaflokkana mættust í leiðtogaumræðum í kosningasjónvarpi RÚV í lok ágúst. Inga klæddist hvítum jakka og svörtum bol við hanskana í umræðuþættinum. Inga var líka með hanskana í sjónvarpsþætti Gísla Marteins fyrr á árinu.

Inga Sæland með hanskana í kosningasjónvarpi RÚV í haust. Skjáskot/RÚV

Stjórnmálakonan var með armband yfir öðrum hanskanum. Ástrós sýndi skartgripi sína á sama hátt og var með hringa yfir sínum hönskum. 

Frétt af mbl.is

Inga er hætt að skæla og mætt aftur í jakkann